Samtidig offentleggjer banken notatet ”Hovedstyrets begrunnelse for rentebeslutningen”, der ein gjer greie for både dei vesentlege trekka ved utviklinga i økonomien som har fått betydning ved rentevedtaket og for avvegingane i hovudstyret.
Pressemeldinga, hovudstyret si grunngjeving for rentevedtaket og ei figurpakke som er ein del av bakgrunnen for drøftinga på rentemøta, er tilgjengelege på internett.
Kl. 14.00 blir det halde ein pressekonferanse der sentralbanksjefen eller visesentralbanksjefen gjer nærare greie for rentevedtaket i hovudstyret. Pressekonferansen er tilgjengeleg på nett-TV, mobil-TV og som Podkast.