Førebygging

• Noregs Bank sørgjer for at oppgjerssystemet og kontantforsyninga fungerer på ein sikker og effektiv måte.
• Noregs Bank stiller krav til systemeigarane gjennom rolla som konsesjons- og tilsynsmyndigheit for interbanksystem.
• Noregs Bank kjem med utsegner om regelverk som kan påverke stabiliteten i det finansielle systemet, inkludert finansinstitusjonane. Utsegnene er normalt offentleg tilgjengelege på nettsidene våre frå tidspunktet då breva er sende, så sant ikkje omsynet til bedriftshemmelegheiter eller krav om konfidensialitet hindrar eller utset offentleggjering.
• Noregs Bank bidreg med kunnskap og informasjon gjennom mellom anna rapportane om finansiell stabilitet og årsrapport om betalingsformidling og gjennom talar og foredrag.
• Noregs Bank sender brev til Finansdepartementet to gonger i året med vurderingar av stabiliteten i det finansielle systemet og anbefalingar om tiltak overfor heile sektoren. Vurderingane byggjer på rapportane om finansiell stabilitet.
• Erfaring frå den internasjonale finanskrisa (2008/2009) er at myndigheitene bør ha fleire verkemiddel for å gripe inn dersom det er fare for forstyrringar i viktige finansielle tenester. I motsetning til tiltak overfor enkeltinstitusjonar er det snakk om tiltak overfor heile sektoren, makroregulering av finanssektoren.
• Noregs Bank har ein observatør i styret i Finanstilsynet. Finanstilsynet fører tilsyn med finansinstitusjonane (soliditet, risiko, styring og kontroll) og forvaltar ei lang rekkje forskrifter. Dei kan gripe inn med tiltak overfor enkeltinstitusjonar.

Meir informasjon:

• Brev og utsegner frå Noregs Bank
• Finansiell stabilitet - rapport
• Årsrapport om betalingssystem
• Noregs Banks oppgjerssystem
• Setlar og myntar